विजयपत सिंघानिया देणार सुनेला साथ, रेमंडमध्ये कलह

नागपूर : कंपनीचे अध्यक्ष आणि एमडी गौतम सिंघानिया लग्नाच्या 32 वर्षानंतर त्यांची पत्नी नवाज मोदी सिंघानियापासून घटस्फोट घेणार आहेत. याआधी गौतम सिंघानिया यांचे वडील विजयपत सिंघानिया यांच्यासोबतचे भांडणही चांगलेच गाजले होते. आता विजयपत सिंघानिया यांनीही आपल्या सुनेला पाठिंबा देणार असल्याचे म्हटले आहे.

विजयपत सिंघानिया यांनी अनेक वेळा उघडपणे सांगितले आहे की, सर्व संपत्ती आपल्या मुलाला देऊन आपण चूक केली आहे. त्यांच्या मुलाने त्यांना घरातून हाकलून दिले. आपल्याला त्याच्यामुळे भाड्याच्या घरात राहावे लागत आहे. आता त्याने पत्नी नवाज मोदी सिंघानियासोबतही असेच वर्तन केले आहे. बिझनेस टुडेला दिलेल्या मुलाखतीत विजयपत सिंघानिया म्हणाले की, त्यांच्या मुलाने त्यांच्याकडून सर्व काही हिसकावून घेतले. त्यांच्याकडे आता फक्त काही पैसे शिल्लक आहेत, ज्यावर ते आपले जीवन जगत आहेत. ते म्हणाले, माझ्या मुलाने मला कंपनीचा काही भाग देण्याचे सांगितले होते. मात्र त्यांनी ही बाब मागे घेतली. मी त्याला माझे सर्वस्व दिले. माझ्याकडे काहीच नाही, फक्त थोडे पैसे शिल्लक आहेत. त्यामुळेच जीवन सुरू आहे. मी भाड्याच्या घरात राहतो, नाहीतर रस्त्यावर आलो असतो. आता त्याने आपल्या पत्नीला अशा प्रकारे हाकलून दिले आहे. तो कोणत्या प्रकारचा माणूस आहे हे मला माहीत नाही??

विजयपत सिंघानिया इथेच थांबले नाहीत. ते म्हणाले की, पालकांनी त्यांच्या हयातीत सर्व काही मुलांच्या हाती सोपवू नये. त्यांच्या मृत्यूच्या आधीच संपत्ती त्यांच्या मुलांना देऊन त्यांनी चूक केली आहे. असो, आई-वडिलांच्या मृत्यूनंतर सर्व काही मुलांचेच असावे लागते.आपली सून नवाज मोदी सिंघानियाबद्दल विजयपत सिंघानिया म्हणाले की, जर त्यांची सून त्यांच्याकडे सल्ल्यासाठी आली, तर ते तिला पाठिंबा देतील. जर तिला ही लढाई स्वतः लढायची असेल, तर ते हस्तक्षेप करणार नाही. गौतम सिंघानिया त्यांच्या संपत्तीतील 75 टक्के कधीही त्यांच्या सुनेला देणार नाहीत.