Fri Nov 22 02:56:57 IST 2024
किरण माने यांचा शिवसेनेत प्रवेश, उद्धव ठाकरेंनी बांधले शिवबंधन
jitendra.dhabarde@gmail.com / 9822241517
2024-01-07 21:26:41.0
मुंबई : सुप्रसिद्ध अभिनेता यांनी किरण माने शिवसेना पक्षात प्रवेश केला. किरण माने यांच्या पक्षप्रवेशाचा कार्यक्रम मातोश्रीवर पार पडला. पक्षप्रमुख उद्धव ठाकरे यांनी त्यांना शिवबंधन बांधून स्वागत केले.
उद्धव ठाकरे यांच्या उपस्थितीत किरण माने यांनी ठाकरे गटात प्रवेश केला. यावेळी बीडसह, मराठवाड्यातील काही कार्यकर्ते यांनी देखील आजच पक्षप्रवेश केला. फक्त तेच नाही तर घाटकोपर उपविभाग अध्यक्ष नीलेश जंगम यांनीही ठाकरे गटात प्रवेश केला.
किरण माने 2022 मध्ये स्टार प्रवाहवरील 'मुलगी झाली हो' या मालिकेत भूमिका साकारत होते. त्यावेळी त्यांनी सोशल मीडियावर भाजपविरोधी भूमिका घेत पोस्ट शेअर केली होती. त्यामुळे त्यांना या मालिकेतून बाहेरचा रस्ता दाखवण्यात आल्याचा दावा त्यांनी केला होता. त्यानंतर हा वाद खूप वाढला आणि चिघळला होता. मालिकेतून बाहेरचा रस्ता दाखवल्यानंतर किरण माने यांनी सोशल मीडियावर अनेक पोस्ट शेअर करत भूमिका मांडली होती. त्या पोस्टमध्ये त्यांनी म्हटलं होतं की #काट लो जुबान, आंसुओं से गाऊंगा... गाड़ दो, बीज हूँ मैं, पेड़ बन ही जाऊंगा !' तर त्यांची ही पोस्ट पाहिल्यानंतर त्यांच्या चाहत्यांनी आयस्टँड व्हिथ किरण माने असं हॅशटॅग देखील तयार केलं होतं. त्यानंतर किरण माने त्यांच्या समर्थनार्थ राष्ट्रवादी काँग्रेसनं पुढाकार घेतला होता.
