रुग्णाच्या शरीरातील मोठे स्यूडोपॅन्क्रियाटिक सिस्ट काढले शस्त्रक्रियेशिवाय

नागपूर : वोक्हार्ट हॉस्पिटल्स नागपूर ही काळजी आणि नावीन्यपूर्ण परंपरा असलेली एक आघाडीची आरोग्य सेवा प्रदाता आहे ज्यामुळे हे हॉस्पिटल मध्य भारतातील रुग्णांसाठी वरदान ठरते. 40 वर्षीय पुरुष रुग्ण हे पोट फुगल्याचा इतिहास घेऊन वोक्हार्ट हॉस्पिटलमध्ये आले होते, आणि त्यांना पोटदुखी, भूक न लागणे, लवकर पोट भरल्यासारखे वाटणे यासह गेल्या 4 महिन्यांपासून पोटाच्या आकारात हळूहळू वाढ झाली आणि

ओटीपोटावर सूज आली. 15 फेब्रुवारी 2023 रोजी रुग्णाला हॉस्पिटल मध्ये तपासणी साठी सादर करण्यात आले . डॉ पियुष मरुडवार जे वरिष्ठ सल्लागार गॅस्ट्रोएन्टेरोलॉजिस्ट, लिव्हर विशेषज्ञ आणि अॅडव्हान्स एंडोस्कोपिस्ट आहेत यांनी त्यांची तपासणी केली असता त्यात हिमोग्लोबीन 7.1 ग्रॅम आढळून आले . ओटीपोटाचे सीईसीटी केले गेले ज्यामध्ये 19 बाय 14.7, बाय 18 सेमी आकाराचे मोठे स्यूडो पॅनक्रियाटिक सिस्ट दिसून आले. ते क्रॉनिक पॅन्क्रियाटायटीसने ग्रस्त होते . पॅन्क्रियाटीक स्यूडोसिस्ट हा एकसंध द्रवपदार्थाचा संकलित संग्रह आहे ज्यामध्ये कमी किंवा कोणतेही नेक्रोटिक ऊतक नसते. डॉ पियुष मरुडवार म्हणाले, "रुग्णाचे सीईए आणि सीए 19-9 सामान्य मर्यादेत होते. सीईए आणि सीए 19-9 चे डायग्नोस्टिक महत्त्व कर्करोगाच्या लवकर निदानासाठी आहे. पोट आणि सिस्ट यांच्यामध्ये एंडोस्कोपिक पद्धतीने छिद्र केले गेले आणि स्टेंट तैनात केले गेले. पोटात अचानक द्रवपदार्थाचा प्रवाह येताना दिसला. दुसऱ्या दिवशी रुग्णांची लक्षणे सुधारली. 2 दिवसांनंतर, रुग्णाला डिस्चार्ज देण्यात आला .

14 मार्च 2023 रोजी, ओटीपोटाची यूएसजी तपासणी करण्यात आली, जी एक वैद्यकीय इमेजिंग चाचणी आहे जी पोट (एब्डोमेन) क्षेत्राच्या आत पाहण्यासाठी ध्वनी लहरी वापरते. समाधानाची बाब अशी होती कि , सिस्ट पूर्णपणे नाहीसा झाला होता . डॉ पियुष मरुडवार यांनी एंडोस्कोपिक पद्धतीने स्टेंट काढला आणि रुग्णाला डिस्चार्ज देण्यात आला. त्यामुळे कोणत्याही डाग किंवा पोटाला चिरा न देता डॉ मरुडवार यांनी रुग्णावर यशस्वी उपचार केले. रुग्ण नुकतेच फॉलो-अपसाठी आले होते आणि त्यांना लक्षणे होती. डॉ. पियुष मरुडवार वोक्हार्ट हॉस्पिटल्स शंकर नगर, नागपूर येथे गॅस्ट्रोएन्टेरोलॉजिस्ट आहेत आणि त्यांना या क्षेत्रातील 14 वर्षांचा अनुभव आहे. लिव्हर, गॅस्ट्रोइंटेस्टाइनल आणि पॅन्क्रियाज चे रोग, निदान आणि उपचारात्मक एंडोस्कोपी, लिव्हर प्रत्यारोपण, अन्ननलिका आणि एनोरेक्टल मॅनोमेट्री या विषयात त्यांना कौशल्य आणि विस्तृत अनुभव आहे. त्यांनी विविध गंभीर तसेच नियमित गॅस्ट्रोइंटेस्टाइनल, लिव्हर आणि पॅन्क्रियाटिक प्रकरणे यशस्वीरित्या हाताळली आहेत.