Fri Nov 22 05:40:38 IST 2024
दीक्षाभूमीवर लाखो पुस्तकांची विक्री, कोटींची उलाढाल, विविध साहित्यिकांच्या पुस्तकांना मागणी
नागपूर : ६७ व्या धम्मचक्र प्रवर्तन दिनानिमित्त दीक्षाभूमी येथे आयोजित पुस्तक प्रदर्शनात लाखोंच्या विविध लेखकांच्या पुस्तकांची विक्री झाली. विविध साहित्यांच्या विक्रीतून कोटींची उलाढाल झालेली आहे.
बार्टी संस्थेच्या वतीने 67 व्या धम्मचक्र प्रवर्तन दिनानिमित्त दीक्षाभूमी परिसरात डॉ. बाबासाहेब आंबेडकर व इतर महापुरुषाच्या सामाजिक समता प्रस्थापित करणारे पुस्तके, डॉ. बाबासाहेब यांचे खंड, भारताचे संविधान, संविधान उद्देशिका अल्प दरात विक्रीस ठेवण्यात आल्या होत्या. त्याला अनुयायांचा अलोट असा प्रतिसाद मिळाला. सवलतीच्या दरात पुस्तक मिळवण्यासाठी बार्टीच्या बुक स्टॉलवर भिमसागर उसळला होता. बार्टी संस्थेचे महासंचालक मा. सुनिल वारे, बार्टीचे विभागप्रमूख डॉ. सत्येन्द्रनाथ चव्हाण यांच्या मार्गदर्शनाखाली अनुयायांसाठी सदर सवलत उपलब्ध करुन देण्यात आली होती.
या उपक्रमात बार्टी नागपूर, उपकेंद्राचे सहाय्यक प्रकल्प व्यवस्थापक अनिल वाळके, प्रकल्प अधिकारी तुषार सुर्यवंशी, शितल गडलिंग, सुनीता झाडे, आकाश कुर्‍हाडे, रामदास लोखंडे, राहूल कवडे, सरीता महाजन, समतादूत विभागाचे प्रकल्प अधिकारी दिनेश बारई आणि समतादूत सहभागी होते. बार्टीच्या बुक स्टॉलला राज्यभरातील विविध क्षेत्रातील मान्यवर, बौध्द भिखू, समता सैनीक दलाचे कार्यकर्ते, महिला, विद्यार्थी यांनी मोठ्या संख्येनी भेट देऊन सवलतीचा लाभ घेतला.
