शेतकरी म्हणाले, कांद्यावर बोला... पंतप्रधानांचा 'जय श्रीराम'चा नारा!

नाशिक : पंतप्रधान नरेंद्र मोदी यांची नाशिक आणि दिंडोरीतील महायुतीच्या उमेदवारांसाठी पिंपळगाव बसवंत येथे आयोजित सभेत प्रेक्षकांमध्ये बसलेल्या शेतकऱ्यांनी 'मोदीजी आता कांद्यावर बोला' अशी घोषणाबाजी सुरु केल्याचे यावेळी पाहायला मिळाले.

यावेळी पोलिसांनी मध्यस्थी करताच भाषण पुन्हा एकदा सुरु झाले.नाशिकचे शिवसेनेचे उमेदवार हेमंत गोडसे, दिंडोरी मतदारसंघाच्या भाजप उमेदवार भारती पवार आणि धुळ्याचे उमेदवार सुभाष भामरे यांच्या प्रचारार्थ ही सभा संपन्न झाली. यावेळी मोदी यांनी इंडिया आघाडीसह शिवसेना ठाकरे गट आणि राष्ट्रवादी काँग्रेस शरद पवार गटावर टीकास्त्र सोडले. पंतप्रधान नरेंद्र मोदी हे भाषणाच्या दरम्यान नकली राष्ट्रवादी काँग्रेस आणि नकली शिवसेना असा उल्लेख करत ते काँग्रेसमध्ये विलीन होतील असे म्हटले. त्यावेळी मोदींच्या सभेत उत्साह दिसून येत होता, लोक मोदी-मोदी घोषणा देखील देत होते.मोदी यांचे भाषण देखील उत्साहात सुरु होते. पण हे सुरु असताना अचानक प्रेक्षकांमधून ?मोदीजी आता कांद्यावर बोला? अशी घोषणाबाजी ऐकू यायला लागली. त्यामुळे लक्ष विचलित झाल्याने मोदी क्षणभर थांबले. प्रेक्षकांमध्ये चुळबूळ निर्माण झाली आणि मग घोषणाबाजी होतेय हे लक्षात आले.

यावेळी पंतप्रधान नरेंद्र मोदी यांनी जय श्रीराम असा नारा देत प्रेक्षकांना प्रोत्साहित केले. त्यानंतर त्यांनी मग पुन्हा भाषणाला सुरुवात केली. पुढे ते आपल्या योजनांची माहिती द्यायला लागले आणि कांदा उत्पादकांसाठी आपण काय काय केले हे देखील सांगितले. परंतु हे सुरु असतानाच प्रेक्षकांमधून कांदा उत्पादक शेतकऱ्यांची घोषणाबाजी सुरुच असल्याने मोदींनी इतर सभांपेक्षा कमी वेळेत आपलं भाषण उरकले असल्याची चर्चा सध्या येथे रंगली आहे. नरेंद्र मोदी हे आज नाशिक येथे पिंपळगाव या ठिकाणी दिंडोरी आणि नाशिक लोकसभा मतदारसंघाचे उमेदवार केंद्रीय राज्यमंत्री डॉक्टर भारती पवार आणि हेमंत गोडसे यांच्या प्रचारासाठी नाशिक दौऱ्यावर होते. यावेळी मोदींच्या सभेच्या दरम्यान कांदा वधक शेतकऱ्यांनी घोषणाबाजी करत मोदी साहेब कांद्यावर बोला अशा आवाजाने मोदींच्या भाषणात कांद्याचा प्रश्न उपस्थित केला यावेळी नरेंद्र मोदी यांनी आपले भाषण थांबवत जय श्रीराम असे म्हणत इतरांना प्रोत्साहित केले. नरेंद्र मोदी यांच्या सभेच्या दरम्यान मात्र कांदा उत्पादक शेतकऱ्यांचा देखील प्रश्न महत्त्वाचा असल्यामुळे या संदर्भात कांदा उत्पादक शेतकऱ्यांनी मोदींच्या सभेच्या दरम्यान आपला रोष व्यक्त केल्याचा पाहायला मिळाल. यावेळी कांद्याचा प्रश्न बोला असे बोलणाऱ्या सभेतील कांदा उत्पादक शेतकऱ्यांना मात्र पोलिसांनी थांबवण्याचा देखील प्रयत्न केला यामुळे नरेंद्र मोदी यांची नाशिक मधील सभा पुन्हा एकदा नव्या घटनेने चर्चेत आली आहे.